"Болонья" клубининг 33 ёшли ҳужумчиси Марко Арнаутовичнинг акаси Даниэл Арнаутович укасига "Манчестер Юнайтед"га ўтиш таклифи тушгани ҳақидаги миш-мишлар ҳақида гапирди.
"Тўғри, машҳур клубдан таклиф бор... Мен "Болонья" билан боғланиб, бу трансферни амалга оширишим мумкин", - дейди Даниэл.
Эслатиб ўтамиз, австриялик ҳужумчи аввалроқ Англия Премьер-лигасида "Сток Сити" ва "Вест Хэм" клублари шарафини ҳимоя қилган. Футболчи ўтган мавсумни "Болонья"да ўтказди. У Италия А сериясида 33 ўйинда 14 та гол урган ва битта голли узатмани амалга оширган. Transfermarkt футболчини 6 миллион еврога баҳолаган.
