Англия футболи афсонаси Алан Ширер Эрлинг Холанднинг "Манчестер Сити" учун аҳамияти ҳақида гапирди.
"Агар Премьер-лига ғолибини ҳозир танлашим керак бўлса, бу "Сити" бўларди ва бунинг барчаси Эрлинг Холанд туфайли. Ўтган йили "шаҳарликлар" Холандсиз ва ҳақиқий марказий ҳужумчисиз чемпионликни қўлга киритишди. Энди уларда ҳеч бўлмаганда бир мавсумда камида 30 та гол урадиган ҳужумчи бор.
Холанд Англия Суперкубогида "Ливерпуль" дарвозасига гол уриш учун ажойиб имкониятни қўлдан бой берди, нима бўпти? Барча ҳужумчилар кўплаб вазиятларни кўкка совуришади. У жамоадошларининг сифати ва унга кўрсатаётган ёрдами туфайли "Манчестер Сити"нинг бошқа ўйинларида анча яхши имкониятга эга бўлади.
Ҳа, "Манчестер Сити" уни бироз бошқача ўйнаши керак ёки у "шаҳарликлар"нинг ўйин услубига мослашиши керак, лекин ҳар қандай ҳолатда ҳам бу муаммо эмас." - деди Ширер.
