"Интер Майами"нинг аргентиналик ҳужумчиси Гонсало Игуаин “Реал”даги фаолияти, у ерда португалиялик ҳужумчи Криштиану Роналду билан бирга ўйнаган даврини эслади.

Игуаин El Mundo нашрига берган интервьюсида тарихдаги энг яхши футболчилар - Месси ва Роналду, шунингдек, энг яхши дарвозабонлар - Буффон ва Касильяслар билан бирга ўйнаганини айтди. Аргентиналик футболчи Роналду "Реал"га эндигина ўтган биринчи мавсумда португалиялик ҳужумчидан кўпроқ гол урганини таъкидлади.

"Биринчи мавсумда мен 27 та, Роналду эса 26 та гол урди. Фақат кейинги мавсумда у 50 та гол уришни бошлади. Қандай қилиб бунчалик кўп гол уриш мумкин эди?", - дея қўшимча қилди Игуаин.

Эслатиб ўтамиз, айни дамда Криштиану Роналду "Манчестер Юнайтед"да тўп сурмоқда.