Испания терма жамоаси ярим ҳимоячиси Хави Польша ва Украинада ўтаётган Европа чемпионатида иштирок эта олмаётган жамоадошлари Давид Вилья ва Карлес Пуйол учун ҳам мусобақада яхши натижа қайдэтишлари лозимлигини таъкидлаб ўтди.

Хабарингиз бор, Пуйол ҳамда Вилья жароҳатлари сабаб Европа чемпионатини ўтказиб юбормоқда. Хавининг фикрича, чемпионатда ғалаба қозониш бу иккала футболчига хурсандчилик олиб келиши шубҳасиз.

"Пуйол - лидер ва ғолиб футболчи. Вилья эса бизнинг ажойиб тўпурармиз. Лекин, улар ҳозир бу ерда эмас. Биз уларга хурсандчилик тақдим этишимиз лозим" дейди футболчи. "Уларнинг иккаласи ҳам чемпионлар, бироқ жароҳатлар эса футболнинг бир қисми. Уларнинг ўрнида майдонга тушаётган футболчилар эса яхши ҳаракат қилмоқда. "

Шунингдек, Хави терма жамоа посбони Икер Касильяс билан муносабатларига "Классико"лар таъсири ҳақида ҳам гапириб ўтди. "Икер ва мен қалин дўстмиз. Болалигимиздан биргамиз ва буни ҳеч ким буза олмайди. "