Собиқ англиялик футболчи Дион Даблиннинг айтишича, айни дамда янги жамоа излашда давом этаётган Криштиану Роналдунинг "Манчестер Юнайтед"да муқобил варианти йўқ.
Дублиннинг ВВСга айтишича, "қизил иблислар" ҳақиқатан ҳам голларга муҳтож, шунинг учун уларга бир мавсумда 20-25 гол ура оладиган футболчи керак. Собиқ футболчи Роналду ҳозир "Манчестер Юнайтед" жамоасига керак эканлигини таъкидлади.
"Агар Роналду ҳозир кетса, "Манчестер Юнайтед"да ким гол уришини билмайман", - дея қўшимча қилди Даблин.
Эслатиб ўтамиз, "Брайтон" билан янги мавсумдаги илк ўйинда 37 ёшли португалиялик футболчи иккинчи бўлимда майдонга тушган, аммо бу "манкунианликлар"ни мағлубиятдан қутқариб қола олмади. “Қизил иблислар” 1:2 ҳисобида мағлуб бўлди.
