"Манчестер Юнайтед" "Ювентус" ярим ҳимоячиси Адриен Рабьога қизиқиш билдирмоқда. Журналист Давид Орнштейннинг сўзларига кўра, "қизил иблислар" трансфер имкониятини жиддий кўриб чиқмоқда.
Бироқ келишув якунига етмаган, чунки “Манчестер Юнайтед” ҳозиргача “Барселона”ни тарк этишдан бош тортган Френки де Йонгдан умидини узгани йўқ. "Манкунианликлар" раҳбарияти нидерландиялик футболчини таъқиб қилишни давом эттириш ёки эътиборни Рабьога қаратишни ҳал қилиши керак.
Франциялик футболчининг Туриннинг “Ювентус” клуби билан шартномаси тугашига бир йил қолди. “Кекса синьора” футболчини муносиб миқдордаги товон пули эвазига қўйиб юборишга тайёр бўлади.
