Португалия терма жамоаси сардори Криштиану Роналду Нидерландия терма жамоасига қарши кечган учрашувда ушбу ЕВРО баҳсларидаги голлари сонини очишга эришганидан хабарингиз бор.
Эътиборлиси, бугунги голлар туфайли, португалиялик юлдуз кетма-кет бешта йирик турнирда гол урган футболчига айланди. Роналду ЕВРО-2004, ЖЧ-2006, евро-2008 ҳамда ЖЧ-2010 мусобақаларини голсиз тарк этмаганди. Мана бугун, у ЕВРО-2012 да ҳам ўз ҳисобига гол ёздириб қўя олди.
Бу борада Роналду фақатгина, Германия терма жамоасининг собиқ ўтмишдаги тўпурари Юрген Клинсманндан ортда бормоқда. Клинсманн кетма-кет олтита йирик турнирда гол ура олган жаҳондаги ягона ҳужумчи саналади.
Шунингдек, Роналду кетма-кет учта европа чемпионатида гол урган еттинчи футболчига айланди. Бунгача, Элдер Поштига, Нуну Гомеш, Тиери Анри, Златан Иброҳимович, Владимир Шмицер ҳамда Юрген Клинсманнлар шундай натижага эриша олганлар.