"Манчестер Юнайтед" "Болонья"нинг австриялик ҳужумчиси Марко Арнаутовични ўз сафига қўшиб олмоқчи, деб хабар беради Sky Sports.
Манбага кўра, инглиз клуби форварднинг трансфери бўйича янги ва такомиллаштирилган таклиф билан чиқмоқчи. Аввалроқ, италияликлар манкунианликларнинг тўққиз миллион евролик таклифини рад этишганди. "Манчестер Юнайтед" бош мураббийи Эрик тен Хаг футболчини шахсан сотиб олишини таъкидламоқда.
33 ёшли Арнаутович ўтган мавсумда "Болоня" сафида барча турнирлар доирасида 34 та ўйинда майдонга тушиб, 15 та гол урди ва 1 та голга ассистентлик қилди. Унинг клуб билан шартномаси 2024 йилнинг ёзига қадар мўлжалланган.
