"Manchester Yunayted" "Bolonya"ning avstriyalik hujumchisi Marko Arnautovichni o‘z safiga qo‘shib olmoqchi, deb xabar beradi Sky Sports.
Manbaga ko‘ra, ingliz klubi forvardning transferi bo‘yicha yangi va takomillashtirilgan taklif bilan chiqmoqchi. Avvalroq, italiyaliklar mankunianliklarning to‘qqiz million yevrolik taklifini rad etishgandi. "Manchester Yunayted" bosh murabbiyi Erik ten Xag futbolchini shaxsan sotib olishini ta’kidlamoqda.
33 yoshli Arnautovich o‘tgan mavsumda "Bolonya" safida barcha turnirlar doirasida 34 ta o‘yinda maydonga tushib, 15 ta gol urdi va 1 ta golga assistentlik qildi. Uning klub bilan shartnomasi 2024 yilning yoziga qadar mo‘ljallangan.
