Туриннинг “Ювентус” клубининг польшалик дарвозабони Войцех Шесни жароҳати сабаб сафдан чиқди, дея хабар бермоқда Италия клуби расмий сайти.
Футболчига чап соннинг узун қўшимча мушаклари шикастлангани ташхиси қўйилган. Дарвозабоннинг тикланиш даври тахминан уч ҳафтани ташкил қилади.
Шу тариқа, польяк Италия чемпионатининг “Сассуоло”, “Сампдория” ва “Рома” билан ўйинларини ўтказиб юборади.
Ўтган мавсумда 32 ёшли Шесни "Ювентус" сафида барча турнирлар доирасида 40та ўйинда майдонга тушиб, 39та гол ўтказиб юборган. Унинг клуб билан шартномаси 2024 йилнинг ёзига қадар мўлжалланган.