"Барселона"нинг 20 ёшли ярим ҳимоячиси Нико Гонсалес каталонияликлар бош мураббийи Хавидан уни ижарага беришни сўради. Mundo Deportivo хабарига кўра, айни дамда асосий вариант - "Валенсия".
Манбага кўра, Хави рози бўлган, шундан сўнг Гонсалеснинг агенти Хорхе Мендес футболчига "Валенсия" билан вариантни таклиф қилган. Футболчи ушбу жамоа бош мураббийи, италиялик Женнаро Гаттузо билан суҳбатлашди ва у Гонсалеснинг "Валенсия"га ўтиши истиқболли эканлигига ишонтирди. “Кўршапалаклар” “Барселона”нинг 21 ёшли марокашлик вингери Абде Эззалзулини ҳам ижарага олмоқчи.
Аммо "Барса" бир шарт қўйди: Никонинг шартномаси 2024 йилда тугайди ва клуб уни камида 2025 йилгача узайтиришини хоҳлайди. Футболчи бу ҳақда ўйлайди, лекин унинг кетиш истаги ўзгармаслигича қолмоқда.
