"Рома" устози Жозе Моуриньо "Шахтёр"га қарши ўтказилган синов учрашувидан сўнг Украина халқига мурожаат қилди. Ўртоқлик учрашувда римликлар "Шахтёр" жамоасини 5:0 ҳисобида мағлубиятга учратди.
“Стадионда бу одамлар дуч келган муаммоларни ҳамма ҳис қилди. Уларга нима дейишим мумкин? Ҳатто билмайман. Улар қанчалик бирдамлик ва дўстона эканликларини намойиш этадилар. Қўшимча қиладиган бошқа ҳеч гап йўқ. Мен уларга бахт тилайман. Умид қиламанки, улар тез-тез табассум қилишади", - деди "Рома" бош мураббийи.
Эслатиб ўтамиз, аввалроқ Украина Премьер-лигасининг янги мавсуми 23 август куни бошланиши ҳақида хабар берилганди.
