Mundo Deportivo хабарига кўра, "Манчестер Сити" ярим ҳимоячиси Бернарду Силва ҳамон "Барселона"га ўтишга умид қилмоқда.
Манбага кўра, 27 ёшли португалиялик футболчининг атрофидагилар Каталония клуби билан ўтказилган музокаралардаги озгина муваффақиятдан норози ва қандай қилиб трансферни амалга ошириш бўйича вариантларни кўришмоқда.
Қайд этилишича, “кўк-анорранглилар” ҳали расмий таклиф билан чиққани йўқ, шу сабабли ярим ҳимоячининг сабри тўлди. Бироқ, ҳали бутунлай умидини узмагади.
Шу билан бирга, инглиз клуби Бернардуни ўзининг бозор қийматидаги суммага - камида 80 миллион еврога сотишга тайёр.
Ўтган мавсумда Бернарду "шаҳарликлар" сафида барча мусобақаларда 50 та ўйинда 13 та гол урди ва 7 та голли узатмани амалга оширди. Ярим ҳимоячининг клуб билан шартномаси 2025 йилнинг 30 июнига қадар мўлжалланган.
