Туриннинг “Ювентус” клуби ярим ҳимоячиси Адрьен Рабьо Англия премьер-лигасига ўтишга яқин турибди. Футболчининг янги иш жойи "Манчестер Юнайтед" бўлиши керак.

Инсайдер Николо Скиранинг хабар беришича, “қизил иблислар” 27 ёшли француз футболчиси учун 15 миллион евро таклиф қилган. Манкунианликлар футболчининг ўзи билан 2026 йилгача ҳисобланган узоқ муддатли меҳнат шартномасини тузиш ниятида.

Адрьен 2019 йилдан бери "кекса синьора" футболчиси ҳисобланади. Унинг клуб билан шартномаси келаси йилнинг ўрталарига қадар амал қилади. Рабьонинг бозор нархи 17 миллион еврога баҳоланмоқда.