Turinning “Yuventus” klubi yarim himoyachisi Adryen Rabyo Angliya premyer-ligasiga o‘tishga yaqin turibdi. Futbolchining yangi ish joyi "Manchester Yunayted" bo‘lishi kerak.
Insayder Nikolo Skiraning xabar berishicha, “qizil iblislar” 27 yoshli fransuz futbolchisi uchun 15 million yevro taklif qilgan. Mankunianliklar futbolchining o‘zi bilan 2026 yilgacha hisoblangan uzoq muddatli mehnat shartnomasini tuzish niyatida.
Adryen 2019 yildan beri "keksa sinyora" futbolchisi hisoblanadi. Uning klub bilan shartnomasi kelasi yilning o‘rtalariga qadar amal qiladi. Rabyoning bozor narxi 17 million yevroga baholanmoqda.













