"Барселона" ҳужумчиси Мемфис Депай Туриннинг "Ювентус" клубига ўтишга яқин турибди. Италиялик журналист Николо Скиранинг ёзишича, нидерландиялик футболчи Массимилиано Аллегри жамоасига текинга ўтади.
Аввалроқ, Депай "Барселона" раҳбариятидан клуб уни эркин агент сифатида қўйиб юборишини сўраганди. Ҳужумчи излаётган Туриннинг "Ювентус" клуби эса вазиятдан унумли фойдаланди ва энди Мемфис учун янги клубга айланишга тайёр.
Депай ўтган мавсумда "Барселона" сафида 12 та гол урди. Нидерландиялик футболчи Франциянинг “Лион” клубидан кўчиб ўтганидан бир йил ўтиб жамоани тарк этади.