Россия терма жамоаси сардори Андрей Аршавин ўз жамоасининг Евро-2012даги иштироки ҳақида фикрлари билан ўртоқлашди.
Эслатиб ўтамиз, Россиянинг Грециядан мағлубияти, ҳамда Чехиянинг Польша устидан ғалабаси русларни Евро-2012дан эрта чиқариб юборди.
"Менга бутун Европа чемпионати бир бутун ўйиндай туюлди. Биз ўйин бошида устунлик қилиб, ўйин сўнгигача ушлаб тура олмадик. Польша билан ҳам, Греция билан ҳам ўйинда рақиб ҳимоясига етарли босим қила олмадик, оқибатда гол ура олмадик.
Греклар билан ўйинда тўпни ишончли ушлаб турдик, тўп оширишда ўтган ўйинга қараганда кам хато қилдик, аммо буларни жуда секин бажардик. Буни олдиндан ўқиш қийин эмасди.
Энди нима ҳам қила оладик,? Ичимни ит тирнаяпти. Мағлубиятга ким айбдор? Ҳамма. Бу мағлубиятни омадсизликка боғлаш нотўғри. Сантиметрларга адашиш - футболнинг бир қисми.
Энг катта сабаб - ҳаддан ошиқ эҳтиёткорлигимиз. Биз таваккал қилишни ҳохламадик, таваккалсиз ҳеч нарсага эриша олмайсан" - деди Аршавин.
