"Фенербахче"нинг янги бош мураббийи Жорже Жезуш Туркия чемпионатида хорижлик футболчиларга қўйилган чекловни ёқтирмаслигини тан олди. Туркия лигаси ўйинларида майдонда камида 3 нафар турк бўлиши керак.
"Мен мослашаяпман, аммо хорижлик ўйинчиларнинг чегараси менинг ўринбосар танлашимни қийинлаштиради. Португалияда, агар хоҳласам, таркибда 11 нафар бразилиялик билан ўйнашим мумкин эди. Бу ерда мен ушбу қоидаларга мослашишим керак", - дейди Жезуш Globo Esporte нашрига.
Бразилиялик мутахассис июнь ойи бошида “Фенербахче” бош мураббийлигига тайинланган ва 2022/23 йилги мавсум охиригача шартнома имзолаганди.
