Мадриднинг "Реал" клуби ярим ҳимоячиси Лука Модрич УЕФА Суперкубоги олдидан ўз фикрлари билан ўртоқлашди.
"Биз эртанги ўйинга тайёрмиз, мавсумолди ўйинларни жуда яхши ўтказдик.
Мен ўйнашни яхши кўраман. Майдонга тушганимда ўзимни жуда яхши ҳис қиламан. Кайфиятим яхши ва ҳар бир ўйинда бор кучимни беришга тайёрман.
Мавсум ўрталарида бўлиб ўтадиган жаҳон чемпионати мен учун ҳеч нарсани ўзгартирмайди, мен Карло Анчелотти хоҳлаган вақтда ўйнашга тайёрман.
Суперкубок биз учун жуда муҳим, биз мавсумни ажойиб кайфиятда бошлашни хохлаймиз, эртага бор кучимиз билан ўйнаймиз.
Ёш муҳим эмас, муҳими майдонда қандай ҳаракат қилаётганинг", - деди Модрич.
Маълумот ўрнида "Айнтрахт" - "Реал" учрашуви бугун, 10-август Тошкент вақти билан 23:59да старт олади.