"Челси" клубидан "Лейпциг" жамоасига ўтган ҳужумчи Тимо Вернер Англия майдонларида ўзининг гол уриш қобилиятини тўлиқ очиб бера олмади, аммо "Саутгемптон" билан ўйинларда ҳаммаси бошқача бўлди.

26 ёшли германиялик футболчи "Челси"даги икки йиллик фаолияти давомида Англия Премьер-лигасида 56 ўйин ўтказиб, 10 та гол урган. Ўнта голнинг бештаси "Саутгемптон" дарвозасига киритган. "Авлиёлар"га қарши тўртта ўйинда ҳужумчи икки мартадан гол урди ва яна битта гол билан чекланди. Қолган бешта голни бошқа жамоалар дарвозасига киритди.

Вернернинг "Лейпциг"га қайтиши сешанба куни расман тасдиқланди. Ушбу трансфер "буқалар"га 20 миллион еврога тушди.