“Насаф” Суперлиганинг 15-турида Бекободга сафар қилишади. "Металлург" билан бўлиб ўтиши белгиланган учрашув 12-август куни соат 19:00да бошланади.
Ўзаро учрашувларга оид фактлар:
Жамоалар Ўзбекистон чемпионатида шу вақтга қадар 49 бор куч синашишган. Бўлиб ўтган 30 учрашувда “аждарлар”, 12 ўйинда эса бекободликлар зафар қучишган. 7 учрашувда эса дуранг натижа қайд этилган.
Тўплар нисбати 80:39 га тенг. Устунлик қаршиликлар тарафида.
Ўзаро учрашувларда қайд этилган энг юқори ҳисоблар қуйидагича: “Насаф“ – “Металлург” 7:0, “Металлург” – “Насаф” 3:0.
Жамоалар сўнгги ўзаро учрашувни 2022 йили 9-март куни Қаршида ўтказган. Бу учрашувда жанговар 1:1 ҳисоби қайд этилган. Учрашувнинг 80-дақиқасида Ҳусайн Норчаев учрашувда ҳисобни очган бўлса, 89-дақиқада Аброрбек Тошқўзиев ҳисобни тенглаштириб, бекободликларни мағлубиятдан қутқариб қолганди.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
09.03.2022 Насаф — Металлург 1:1
15.10.2021 Насаф — Металлург 1:0
23.06.2021 Металлург — Насаф 2:1
26.10.2020 Металлург — Насаф 0:2
06.07.2020 Насаф — Металлург 1:0
