Чемпионшип вакили саналган “Уотфорд” клубида тўп сураётган сенегаллик ҳужумчи Исмоил Сарр фаолиятини Англия Премьер-лигасида давом эттириши мумкин.
Инсайдер Грэм Бейлининг сўзларига кўра, 24 ёшли футболчига “Манчестер Юнайтед” қизиқиш билдирмоқда. “Қизил иблислар” Саррни трансфери муваффақиятсизликка учраган австриялик Марко Арнаутовичга муқобил сифатида кўриб чиқмоқда.
Ҳужумчининг трансфер нархи 27 миллион еврога баҳоланмоқда. Футболчининг "Уотфорд" билан шартномаси 2024 йилнинг ёзига қадар тузилган.
Сарр ўтган мавсумда Англия чемпионатида 22 та ўйинда майдонга тушиб, 5 та гол урди ва 2 та голли узатмани амалга оширди.
