Лондоннинг "Челси" жамоаси эътиборини “Селтик” клуби ва Хорватия терма жамоаси ҳимоячиси Йосип Юрановичга қаратди. Журналист Грэм Бейлининг сўзларига кўра, "кўклар" трансфер ҳақида жиддий ўйлашмоқда.
Юранович бир вақтнинг ўзида иккита позицияни ёпиши мумкин. Футболчи ярим ҳимоянинг таянч зонасида ҳам, ҳимоянинг ўнг қанотида ҳам ўйнай олади. Ўтган мавсумда 26 ёшли Йосип Шотландия чемпионатида 3 та гол урди ва битта голли узатмани амалга оширди.
"Интер" ҳимоячиси Дензел Дюмфрис ва "Саутгемптон" футболчиси Кайл Уокер-Питерсларнинг трансферлари муваффақиятсизликка учраган тақдирда, "Челси" Юрановични улар учун муқобил вариант сифатида кўрмоқда.
