"Манчестер Юнайтед" янги эга қўлига ўтиши мумкин. Хабарларга кўра, "МЮ"нинг собиқ директори, катта инглиз тадбиркорларидан бири Майкл Найтон клубни сотиб олишни режа қилмоқда.

Бу ҳақида 70 ёшли бизнесменнинг ўзи маълум қилди. У шундай дейди:

"Ҳамма биладики, клуб мухлислари жамоа натижаларидан норози. Улар янги эга исташмоқда. Мен эса айнан шуни мақсад қилганман. Мен ўз бизнесимга эгаман ва клубни сотиб олишга қурбим етади. Айни дамда биз ҳужжатлаштириш ишлари билан шуғулланаяпмиз. Эслаб қолинг, бу таклиф, ўта қатъий бўлади!".

Айни дамда "МЮ"га америкалик миллиардерлар оиласи бўлмиш Глейзерлар эгалик қилади. АПЛнинг биринчи туридаги мағлубиятдан кейин жамоа мухлислари Глейзерларга қарши яна норозилик акциясини ўтказган эди.