"Manchester Yunayted" yangi ega qo‘liga o‘tishi mumkin. Xabarlarga ko‘ra, "MYU"ning sobiq direktori, katta ingliz tadbirkorlaridan biri Maykl Nayton klubni sotib olishni reja qilmoqda.
Bu haqida 70 yoshli biznesmenning o‘zi ma’lum qildi. U shunday deydi:
"Hamma biladiki, klub muxlislari jamoa natijalaridan norozi. Ular yangi ega istashmoqda. Men esa aynan shuni maqsad qilganman. Men o‘z biznesimga egaman va klubni sotib olishga qurbim yetadi. Ayni damda biz hujjatlashtirish ishlari bilan shug‘ullanayapmiz. Eslab qoling, bu taklif, o‘ta qat’iy bo‘ladi!".
Ayni damda "MYU"ga amerikalik milliarderlar oilasi bo‘lmish Gleyzerlar egalik qiladi. APLning birinchi turidagi mag‘lubiyatdan keyin jamoa muxlislari Gleyzerlarga qarshi yana norozilik aksiyasini o‘tkazgan edi.
