"Челси" ҳужумчиси Рахим Стерлинг "Манчестер Сити"ни тарк этишининг асосий сабаби ҳақида гапирди. Эслатиб ўтамиз, англиялик футболчи шу ёзда "шаҳарликлар" сафини тарк этиб, 55 миллион евро эвазига "Стэмфорд Бриж"га кўчиб ўтганди.
"Клубдаги ўйин вақтим тобора қисқараётганини ҳис қилдим. "Манчестер Сити"да вақтимни беҳуда ўтказа олмасдим. Мен курашишга ва вазиятни ўзгартиришга ҳаракат қилдим, лекин ҳеч нарса ўхшамади, шунинг учун мен шу ердаман. Менга барқарорлик керак эди”, - деди Стерлинг матбуот анжуманида.
Стерлинг 2015 йилдан 2022 йилгача "Манчестер Сити"да ўйнаган. Жамоа билан биргаликда англиялик футболчи 4 марта Англия Премьер-лигасида ғолиб чиқди.
