“Барселона” ҳужумчиси Мемфис Депай ўз адвокатлари кўмагида Каталония клуби билан шартномасини бекор қилиш бўйича музокаралар олиб борди, деб хабар беради Sport.es.

28 ёшли футболчи жамоани тарк этмоқчи. "Барса" ҳам футболчи билан хайрлашишга тайёр, аммо унинг учун 20 миллион евро талаб қилмоқда, бу эса потенциал харидорларни қўрқитмоқда.

Депайнинг каталонияликлар билан амалдаги шартномаси 2023 йилнинг 30 июнига қадар амал қилади.

Ўтган мавсумда Мемфис Испания жамоаси сафида барча мусобақаларда 37 та ўйин ўтказиб, 13 та гол урди ва 2 та голли узатмани амалга оширди.