"Ливерпуль" бош мураббийи Юрген Клопп клуб ярим ҳимоячи Харви Эллиот билан шартномани узайтиргани ҳақидаги хабарга изоҳ берди. Эслатиб ўтамиз, англиялик футболчи яхшиланган шартлар бўйича янги шартнома имзолади.
"У ҳар доим жуда яхши бўлган, биз супер ўйинчи ҳақида гапиряпмиз. Харви мавсумолди жараённи ажойиб ўтказди ва келажакда катта фойда келтириши керак", - деди Клопп матбуот анжуманида.
Харви Эллиот "Ливерпул"га 2019 йилнинг ёзида "Фулхэм"дан келиб қўшилган эди. 19 ёшли футболчи Англиядаги энг истиқболли футболчилардан бири саналади.
Эллиот навбатдаги турда "Кристал Пэлас"га қарши бўлиб ўтадиган ўйиннинг асосий таркибда майдонга тушиши аниқ, чунки асосий ярим ҳимоячи Тиаго Алькантара жароҳати туфайли сафдан чиқди.
