"ПСЖ"бош мураббийи Кристоф Галтье ҳужумчи Мауро Икарди билан боғлиқ вазият ҳақида фикр билдирди. Унга кўра, Париж клуби 29 ёшли аргентиналик ҳужумчини ўз режаларига киритмаяпти.
"Ҳафта бошида мен Икарди билан учрашдим ва "ПСЖ" таркибни янада қисқартирмоқчи эканини айтдим. 25 нафар футболчи билан ишлашни истамайман. Бунча ўйинчини ушлаб қолишнинг иложи йўқ. Сўнгги мавсумларда Икарди жуда кам ўйнади" - деди Галтье RMC Sport билан суҳбатда.
Мураббийнинг фикрича, ҳужумчи фаолиятини қайта бошлаш керак.
"Бу нафақат Икарди, балки "ПСЖ"нинг ҳам манфаати учун ҳам. Маурога ўз фазилатларини кўрсата оладиган жамоа керак. Аммо сўнгги икки йил унинг учун ҳақиқатдан ҳам оғир бўлди”, — деди у.
Эслатиб ўтамиз, Икарди Лига 1ни 1-туридан ўрин олган "Клермон"га (5:0) қарши ўйин қайдномасидан жой олмаган эди. Унинг клуб билан шартномаси 2024 йилнинг 30 июнига қадар амал қилади.
