"Манчестер Сити"нинг янги футболчиси Калвин Филлипс кичик жароҳат олди. “Шаҳарликлар” бош мураббийи Хосеп Гвардиола матбуот анжуманида англиялик футболчи АПЛнинг навбатдаги тури доирасида “Борнмут”га қарши бўлиб ўтадиган ўйинда жамоасига ёрдам бермаслиги мумкинлигини айтди.

Шунингдек, ярим ҳимоячи Коул Палмеранинг ҳам иштирок этиши шубҳа остида, у ҳам кичик жароҳат олган.

“Манчестер Сити” – “Борнмут” учрашуви эртага “Этихад” стадионида Тошкент вақти билан соат 19:00да бошланади.

Эслатиб ўтамиз, АПЛнинг 1-турида Хосеп Гвардиола шогирдлари Эрлинг Холанднинг дубли эвазига меҳмонда "Вест Хэм" устидан ишончли ғалабага эришганди.