Испания терма жамоаси бош мураббийи Дель Боске хорватлар завқли ўйин намойиш этганини қайд этган бўлса-да, улар устидан қозонилган ғалабани ҳақли деб атади.

- Сизлар ғалабага ҳақли эдингизларми?
- Жуда қийин ғалаба бўлди. Рақибда кўплаб вазиятлар юзага келди, жамоа жуда яхши ўйнади. Бироқ биз алал-оқибатда ўйин назоратини ўз қўлимизга ола билдик. Ўйлашимча, Испания ҳақли равишда ютди. Чорак финалга чиқиб, биз мақсадимиз сари муҳим қадам қўйдик.
- Хорватия сизга қандай муаммолар тақдим этди?
- Хорватлар – келбатли йигитлар. Стандартлар вақтида уларга қарши туриб бериш қийин. Бундан ташқари, биз ўнг қанотимизни кучайтиришимиз талаб этилди, шу боис Навас майдонга чиқарилди. Ўйлашимча, унинг майдонга тушиши билан ишларимиз ўнгланиб кетди.
- Жамоангиз таркибида энг яхши ўйин кўрсатувчилардан бири Касильяс бўлишини кутганмидингиз?
- Хорватия дарвоза томон зарба беришини билардик, албатта. Касильяс ҳам буни биларди. Шу сабабли дарвозани айнан у қўриқлаяпти.
- Сизни ноҳалол ўйин қилишда гумон қилган итальянларга нима дейсиз энди?
- Ҳеч нарса. Бу мавзуда барча гаплар гапириб бўлинди.
- Мана, плей-оффга ҳам фурсат етди. Кимдан кўпроқ ҳайиқаяпсиз? Германияданми?
- Биз ҳеч кимдан қўрқмаймиз. Ҳа, Германия — гуруҳда 9 очко тўплашни эплаган ажойиб жамоа. Нима ҳам қила олардик? Биз бош совринни уйимизга олиб кетиш учун келганмиз.