"Барселона" Ла Лига мавсуми бошланишига қадар барча янги футболчиларни рўйхатдан ўтказа олмайди.
The Athletic хабарига кўра, Испания чемпионатининг биринчи туридан ўрин олган ўйинда каталонияликларнинг бешта янги ўйинчисидан тўрт нафари иштирок этиши мумкин бўлади.
Каталония клуби шу ёзда "Севилья"дан 50+5 миллион эврога сотиб олган ҳимоячи Жюль Кунде қайдномадан четда қолади.
Ла Лига Каталония клубининг тўртинчи иқтисодий дастакни фаоллаштиришини маъқуллади.
Шундай қилиб, "Барса" мавсумнинг илк ўйини қайдномасига Роберт Левандовски, Франк Кессиэ, Рафинья Диас ва Андреас Кристенсенни қўшиши мумкин бўлади.
