"Тоттенхэм" ярим ҳимоячиси Жованни Ло Чельсо ўтган мавсумнинг иккинчи ярмида ижара асосида ўйнаган "Вильярреал" жамоасига қайтишга жуда яқин турибди.
Кеча инсайдер Фабрицио Романо клублар аргентиналик футболчининг трансфери бўйича келишиб олгани ҳақида хабар берганди. Энди манбанинг хабар беришича, Ло Чельсо Испанияга "сариқ сув ости кемаси" билан шартнома имзолаш учун келган.
Битим яна сотиб олиш опцияси билан ижара асосида амалга оширилади. Бироқ, "Вильярреал" тўлиқ трансфер таклифини кирита олмаса, "Тоттенхэм" ушбу қишда шартномани бекор қилиш имкониятига эга бўлади.
Эслатиб ўтамиз, сўнгги мавсумда Ло Чельсо "Вильярреал"га Чемпионлар лигасининг ярим финалига чиқишга ёрдам берганди.
