"ПСЖ"нинг 29 ёшли ҳужумчиси Мауро Икарди Италия чемпионатига қайтишдан бош тортди.
"Монца" клуби аргентиналик ҳужумчи хизматларига қизиқиш билдирганди. А Серия дебютанти футболчига ҳамкорликни таклиф қилди, бироқ бу таклиф Икардига маъқул келмади, дея хабар бермоқда инсайдер Николо Скира ижтимоий тармоқларда.
Аввалроқ, ОАВда Икардига "Манчестер Юнайтед" ва Туркиянинг "Галатасарой" клублари қизиқиш билдираётгани ҳақида хабарлар тарқалган эди.
Ўтган мавсумда Мауро парижликлар сафида 30 та ўйинда майдонга тушиб, 5 та гол уришга муваффақ бўлганди. Унинг трансфер нархи 22 миллион евро.
