"Галатасарой" бош мураббийи Окан Бурук клуб ҳужумчи Андреа Белотти трансфери устида иш олиб бораётганини айтди.
28 ёшли италиялик футболчи ҳозирда эркин агент ҳисобланади. У фаолиятини "Рома"да давом эттириши хабар қилинганди.
"Андреа Белотти - бизнинг трансфер мақсадимиз. Аммо у билан шартнома имзолаш осон бўлмайди, чунки у Италияда қолишни истайди", - дея Окан Бурукнинг сўзларини келтирган журналист Николо Скира.
28 ёшли Белотти ўтган мавсумда "Торино" сафида А Серияда 22 та ўйинда майдонга тушиб, 8 та гол урди ва голли узатмани амалга оширди. У жамоани эркин агент сифатида тарк этди.
