Ярим ҳимоячи Илкай Гюндоган "Манчестер Сити"нинг янги сардорига айланди.
The Telegraph нашрининг ёзишича, футболчиларнинг овоз бериши натижасида немис футболчиси “Ман Сити”нинг янги сардорига айланди. Кеча АПЛ 2-туридан ўрин олган "Борнмут"га (4:0) қарши ўйинда Гюндоган сардорлик боғичида майдонга тушди.
Фернандиньо жамоани тарк этгунга қадар Гюндоган "Манчестер Сити" вице-сардори эди.
Эндиликда ярим ҳимоячи Кевин де Брюйне "шаҳарликлар" вице-сардори бўлади. Ўтган мавсум олдидан худди шундай овоз беришда бельгиялик тўртинчи ўринни эгаллаган эди.
"Манчестер Сити"нинг янги сардори учун овозлар бўйича энг яхши бешликка Кайл Уокер, Рубен Диас ва Родри ҳам кирган.
