Нидерландларнинг ярим ҳимоячиси Арьен Роббен бу мавсум у учун жуда ёмон ўтганлигини таъкидлаб ўтди.

"Бу мавсум фаолиятимдаги энг ёмон мавсум бўлди. "Бавария" билан ҳам, терма жамоа билан ҳам ҳаммаси ёмон ўтди" дедйи футболчи goal.com сайтига берган интервьсида.

"Гарчи мавсумни яхши кайфиятда бошлаган бўлсак-да, натижалар бизни қониқтирмаслиги аниқ. Агар Чемпионлар лигаси финалидаги натижа бизни шокка туширган бўлса, терма жамоанинг ушбу ҳолати ундан ҳам кутилмаган бўлди. Ҳаттоки энг зўр пессмистлар ҳам бизни ҳеч қандай очкосиз гуруҳ баҳсларида қолиб кетишимизга ишонмасди."

Роббен гуруҳ баҳсларидаги ўйинлар ҳақида гапирар экан, Дания билан баҳсдаги мағлубият уларнинг руҳиятига таъсир қилганини айтиб ўтди.

"Натижа учун ҳаммамиз айбдормиз. Терма жамоа лагеридаги вазият жаҳон чемпионатидагига қараганда умуман бошқача эди. Нималар бўлганини тушунмаяпман, лекин биз финалда ўйнашимиз керак эди. Балки биз бўшашгандирмиз. Чунки Дания билан қайд этилган натижа бизни синдириб бўлган эди. Қайд этилган натижага қармай терма жамоадаги муҳит аъло даражада ва шундай бўлиб қолади."

Роббен терма жамоасининг келажаги ва навбатдаги жаҳон чемпионатида иштирок ҳақида ҳам ўз фикрларини билдириб ўтди.

"Жамоанинг бу авлоди учун ҳаммаси тугагани йўқ. Таркибимизда жаҳон чемпионатида муносиб ўйин кўрсата оладиган футболчилар бор ва улар билан ушбу мусобақада яхши натижа қайд этишга ҳаракат қиламиз."