Франция чемпионатининг 2-туридан ўрин олган “Лорьян” – “Лион” учрашуви бошқа санага кўчирилди.
Бу қарор Лорьяндаги “Стад дю Мустуар” стадионидаги чимнинг ёмон ҳолати туфайли қабул қилинган. 6-11 август кунлари аренада мусиқа фестивали бўлиб ўтди, бунинг натижасида брезент билан қопланган майдон жиддий шикастланган.
"Лион" ўзининг расмий сайтида "Лорьян" "ҳозирги шароитда муқаррар бўлиб туюлган" бу вазиятнинг олдини олиш учун ҳамма нарсани қилмаганидан афсусда эканлигини билдирди.
"Лорьян" - "Лион" учрашуви 14 август куни бўлиб ўтиши керак эди.
