"Томь" клубининг собиқ бош мураббийи Валерий Непомняшчщий Москванинг ЦСКА клуби раҳбариятида янги лавозимга тайинланди.
"Спорт-экспресс"нинг таъкидлашича, 68 ёшли мутахассис ЦСКА президентининг спорт ишлари бўйича маслаҳатчиси этиб тайинланди. Непомняшчий ўзининг янги лавозимига аллақачон киришган. Ҳозирча бу мутахассис айнан қайси масалаларни мувофиқлаштириши аниқ эмас.
Эслатиб ўтамиз, аввалроқ Непомняшчий Тошкентнинг "Локомотив" клубига бош мураббий этиб тайинланиши ҳақида гап-сўзлар тарқалган эди. Бироқ "темирйўлчилар"нинг айни вақтдаги мураббийи Ҳаким Фузайлов "Машъал" клубига қарши бўлиб ўтган сўнгги учрашувдан кейинги матбуот анжуманида, бу масалага нуқта қўйган эди.
