"Манчестер Юнайтед" "ПСЖ" ҳужумчиси Мауро Икардини ўз таркибига қўшиб олмоқчи ва аргентиналик футболчининг трансферини муҳокама қилиш учун унинг агенти билан боғланган, деб хабар беради Get French Football News.
Манба берган хабарга кўра, "ПСЖ" бош мураббийи Кристоф Галтье футболчининг сотилишига эътирози йўқ.
Хабарларга кўра, Икардининг ўзи ҳам Англияга кўчиб ўтишга қарши эмас.
Эслатиб ўтамиз, Мауро Икарди 2020 йилнинг июль ойида "Интер"дан "ПСЖ"га ўтган эди. Француз клуби ҳужумчи учун 50 миллион евро тўлаган. Ўтган мавсумда Икарди Лига 1да клуб учун 24та ўйинда майдонга тушиб, 4та гол урган ва голли узатмани амалга оширмаган.