"Барселона" "Челси"дан Сезар Аспиликуэтанинг трансфери муваффақиятсизликка учрагач, янги ўнг қанот ҳимоячиси қидиришда давом этмоқда.

Журналист Жерар Ромеронинг ёзишича, “Манчестер Юнайтед”нинг икки футболчиси эҳтимолий номзодлар рўйхатида – Аарон Ван-Биссака ва Диогу Далот. Шунингдек, Жереми Фримпонг (“Байер”), Хуан Фойт (“Вильярреал”) ва Тома Менье (“Боруссия Дортмунд”) вариантлари ҳам кўриб чиқилмоқда.

Жорий мавсумда Далот "Манчестер Юнайтед" сафида Премьер-лигада 2 та ўйин ўтказди, Ван-Биссака расмий учрашувларда ҳали ўйин амалиётига эга бўлмади.