"Манчестер Юнайтед"нинг бу мавсумда Чемпионшипга тушиб кетиш эҳтимоли 1,2 фоизга баҳоланди. Бу ҳақда Stats Perform Season Prediction моделига таяниб, Twitter'да Squawka хабар бермоқда.
Эслатиб ўтамиз, "Манчестер Юнайтед" 2022/2023 йилги мавсумни Эрик тен Хаг қўл остида бошлаган эди. Англия Премьер-лигасининг (АПЛ) дастлабки икки турида “Манчестер Юнайтед” “Брайтон” (1:2) ва “Брентфорд”га (0:4) имкониятни бой берди.
"Манчестер Юнайтед" энг ёмон тўп фарқига эга ва очко ололмаган жамоа сифатида турнир жадвалида охирги ўринни эгаллаб турибди.
"Манчестер Юнайтед" навбатдаги ўз майдонида "Олд Траффорд"да "Ливерпуль" билан ўйнайди. Ўйин 22 август куни бўлиб ўтади.
