"ПСЖ" ҳимоячи Тило Керерни имкон қадар тезроқ сотишга ҳаракат қилмоқда. Журналист Фабрицио Романонинг сўзларига кўра, француз клуби 25 ёшли немис футболчисини шу ҳафтада Лондоннинг "Вест Хэм" клубига сотишни кутмоқда.
Олдинроқ битим суммаси 30 миллион евро атрофида баҳоланган эди. "Вест Хэм" бу нархни тушириш учун ҳаракат қилмоқда.
Керер ўтган мавсумда парижликлар сафида барча турнирларда 34 та ўйинда майдонга тушиб, 2 та гол уришга муваффақ бўлди. Ярим ҳимоячининг клуб билан шартномаси 2023 йилнинг 30 июнига қадар мўлжалланган.