"Манчестер Юнайтед"нинг собиқ футболчиси Гари Невилл "Ливерпуль" ҳужумчиси Дарвин Нунеьснинг четлатилиши ҳақида гапирди.
Уругвайлик футболчи АПЛ доирасидаги “Кристал Пэлас”га қарши ўйиннинг 57-дақиқасида қизил карточка олиб, майдондан четлаштирилди. Учрашув 1:1 ҳисобида якунланди.
“Бу ақлдан озадиган вазият. Биз у нима учун бундай қилганини билмаймиз. Фаолиятимда буни икки ёки уч марта қилганман - баъзида сиз нима учун бундай муносабатда бўлганингизни билмай қоласиз. Сиз шунчаки туман билан ўралган бўлиб қоласиз.
Агар сиз қизил карточка олганингиздан кейин кийиниш хонасига қайтсангиз ва жамоа ўйнашда давом этаётган бўлса бу даҳшатли туйғу. Менимча, у албатта узр сўради, жамоадошлари уни қўллаб-қувватлашади, чунки “Ливерпул”да ажойиб муҳит бор”, — деди Невилл.
