"Ливерпуль" бош мураббийи Юрген Клопп "Кристал Пэлас"га қарши АПЛ 2-тур учрашувида ҳужумчи Дарвин Нуньеснинг четлатилиши ҳақида фикр билдирди.
23 ёшли уругвайлик футболчи 57-дақиқада Йоаким Андерсенга бош билан зарба бергани учун қизил карточка олди.
“Дарвин жамоани тушкунликка туширганини билади. Сешанба куни биз суҳбатлашамиз. Албатта, унинг ҳаракатлари биз кўрмоқчи бўлган реакция эмас. У ғазабланишини билади, лекин бу жавоб беришнинг йўли эмас. Бироқ, у дисквалификасия қилинган вақтдан унумли фойдаланишга ҳаракат қиламиз ва жисмоний ҳолати устида ишлаймиз. Мен жазо ҳақида гапирмаяпман, биз фақат уни кучайтиришни истаймиз", дейди Клопп.