"Наполи" "Тоттенхэм" ярим ҳимоячиси Тангуй Ндомбелени ижарага олиш шартлари келишиб олди, дея хабар беради журналист Фабрицио Романо.
Италия клуби 25 ёшли франциялик футболчининг ижараси учун 1 миллион евро ва маошнинг маълум қисмини тўлайди. "Наполи" футболчини 2023 йилда 30 миллион евро сотиб олиш ҳуқуқига эга бўлади.
Ндомбеле яқин орада "Наполи" ва "ПСЖ" га ўтадиган Фабиан Руиснинг ўрнини эгаллайди.
2021/22 йилги мавсумнинг ярмида Ндомбеле "Лион"да ижара асосида ўйнади. У 15 ўйинда 1 гол урди ва 2 голга ассистентлик қилди. Transfermarkt.com портали футболчининг нархи 30 миллион еврога баҳоланмоқда.