"Манчестер Сити"нинг янги футболчиси Серхио Гомес "шаҳарликлар" сафига ўтиш масаласини клубнинг собиқ сардори, ҳозирда "Бёрнли"ни бошқараётган Венсан Компани билан муҳокама қилганини айтди.
Эслатиб ўтамиз, Гомес бельгиялик мураббий қўл остида "Андерлехт" жамоасида ўйнаган.
"Мен Компани билан гаплашдим ва "Манчестер Сити"га ўтишни муҳокама қилдим. У мени қўллаб-қувватлади ва жуда хурсанд эди. Винсентнинг айтишича, бу менинг фаолиятимдаги улкан қадамдир”, - деди Гомес “Манчестер Сити” расмий сайтига берган интервьюсида.
Гомес клубда Александр Зинченко ўрнини эгаллаши керак, у аввалроқ "Арсенал"га 35 миллион евро эвазига кўчиб ўтган эди.
