"Эвертон" "Челси"нинг ярим ҳимоячи Энтони Гордон бўйича иккинчи таклифини рад этди, деб хабар беради Sky Sports.

Манба берган хабарга кўра, "кўклар" 21 ёшли англиялик учун "ирислар"га 45 млн фунт таклиф қилишган. "Эвертон" аввалроқ 40 миллионлик таклифни рад этган эди. Улар футболчини сотмоқчи эмас.

Гордон - “Эвертон” тарбияланувчиси ҳисобланади. Ўтган мавсумда у жамоа сафида барча турнирларда 40та ўйинда майдонга тушиб, 4та гол ва 3та голга ассистентлик қилган.

Transfermarkt.com портали футболчининг нархини 18 миллион фунтга баҳолаган. Гордоннинг клуб билан шартномаси 2025 йилгача амал қилади.