"Everton" "Chelsi"ning yarim himoyachi Entoni Gordon bo‘yicha ikkinchi taklifini rad etdi, deb xabar beradi Sky Sports.

Manba bergan xabarga ko‘ra, "ko‘klar" 21 yoshli angliyalik uchun "irislar"ga 45 mln funt taklif qilishgan. "Everton" avvalroq 40 millionlik taklifni rad etgan edi. Ular futbolchini sotmoqchi emas.

Gordon - “Everton” tarbiyalanuvchisi hisoblanadi. O‘tgan mavsumda u jamoa safida barcha turnirlarda 40ta o‘yinda maydonga tushib, 4ta gol va 3ta golga assistentlik qilgan.

Transfermarkt.com portali futbolchining narxini 18 million funtga baholagan. Gordonning klub bilan shartnomasi 2025 yilgacha amal qiladi.