Шу ҳафтада Лондоннинг “Челси” клуби “Барселона” ҳужумчиси Пьер-Эмерик Обамеянг атрофидагилар билан навбатдаги музокаралар ўтказади. Бу ҳақда таниқли инсайдер Фабрицио Романо хабар берди.
"Кўклар" эгаси Тодд Боэли футболчининг ўзи билан шахсий келишув шартлари бўйича музокаралар олиб боришга ҳаракат қилмоқчи. Шундан сўнг, "аристократлар" тахминан 40 миллион евро олишни истайдиган "кўк-анорранглилар"га таклиф билан чиқишга тайёр бўлади.
Аввалроқ каталонияликлар "Челси"нинг 14 миллион евролик таклифини рад этгани хабар қилинганди. 33 ёшли габонлик футболчининг ўзи ҳам ҳозирги жамоасини тарк этиш ниятида эмас.
Ҳужумчининг каталонияликлар билан шартномаси 2025 йилнинг 30 июнига қадар амал қилади. Ўтган мавсумда Обаменяг "Барселона" сафида барча турнирларда 24 та ўйинда майдонга тушиб, 13 та гол урган.